اسلام آباد 07 نومبر (اے پي پي) د بابا ګرونانک د 550م زېږون ورځې په موقع د هند پشمول ګردې نړۍ څخه سکھ ياتري د نارووال ګوردواره دربار صاحب کرتار پور ته رارسېدلې ٬ کرتار پور راهدري او ګوردواره صاحب كښې په پرمختيائي كارونو ليدلو د پاکستان زنده باد او عمران خان زنده باد نعرې پورته شوې ٬ ياتريانو کرتار پور صاحب د نړۍ د ټولو نه لوے او ښائسته ګوردواره وګرځوله۔ د متروقه املاك بورډ وياند لخوا د جاري شوي بيان له مخې سکھ ياتريان په سخت امنيتي حصار كښې د ننكانه صاحب څخه کرتار پور نارووال ته ورسولې شول په دې موقع دوي سره اړوند چارواكي هم ملګري وٶ٬ ياتريانو د ګوردواره صاحب زيارت وكړو او خپل مذهبي رسومات ادا كولو سره ئې د پاكستان پرمختګ او سوكالۍ او د وزيراعظم عمران خان کاميابۍ او ډېر عمر لپاره خاص دعاګانې وغوښتې۔ د سكهانو مذهبي لارښود بابا پرنندر پال سنګھ ګياني ووئيل په دې پرِمختګ او ښكلا ليدلو مونږ ډېر خوشحاله شو ٬مونږ كله دا سوچ هم نه ٶ كړې ٬ مونږ به د پاكستان دا احسان هېر نه كړو ٬ په نړۍ كښې د هر مېشته سكه په زړه كښې د ګورو د خاورې كتنه لا زياته شوې او هر كس د كرتار پورا ياترا له ناقلاره دے۔ د شرومني ګوردواره بندھك کمېټۍ پردھان سردار ګوروميت سنګھ بوس ووئيل پاكستان اقليتونو لپاره د جنت نه كم نه دے٬ د کرتار پور صاحب په درشن كولو مو سترګې يخې شوې ٬ په دومره لنډه موده كښې دومره ښه تعمير په نړۍ كښې د عجوبې نه كم نه دے٬ د ډيلي ګوردواره مينجمنټ کمېټۍ پردھان سردار سروجيت سنګھ ورك د کرتار پور راهداري په اړه خپلو خبرو كښې ووئيل پاکستان كښې چې اقليتونو ته كومه مذهبي آزادي ترلاسه ده په بل هېواد كښې نه ده ٬ سكهانو لپاره د پاكستان د وزيراعظم عمران خان هلې ځلې كله هم نشو هېرولې٬ د بابا ګورو نانك په 550م زېږون ورځې په موقع د کرتار پور راهداري سكهانو لپاره يوه لويه ډالۍ ده او د ګوردواره د زيږون استھان ښكلا د ليدلو ده۔ د بورډ چيئرمېن ډاکټر عامر احمد ووئيل وزيراعظم عمران خان د سکھ ياتريانو خدمت لپاره خاص احكامات جاري كړي او د حكومت لخوا د بابا ګورو نانک په نوم پوهنتون جوړول او د 550م زيږون ورځې په موقع يادګاري سکه او ډاک ټکټ جاري كول ګورو نانک جي سره د مينې او عقيدت ښكاره ثبوت دے
د هند پشمول ګردې نړۍ نه سکھ ياتريان ګوردواره دربار صاحب کرتار پور ته راورسېدل
مضمون کا ماخذ : راکی
متعلقہ مضامین
