اسلام آباد 05 ستمبر (اے پي پي) اولس مشر ممنون حسېن قام ته باور وركړے چې د پاکستان دفاع په مضبوط لاسونو كښې ده ٬ پاكستان خپلو ګاونډي هېوادونو سره د ملګرتيا او سولې اړيكې غواړي خو د امن دا خواهش دې كمزوري ونه ګڼلې شي٬ مونږ د كوم هم جارحيت هر ډول ځواب وركولو بشپړه صلاحيت لرو۔ده دا خبرې د ګل په ورځ د پاكستان د دفاع ورځې په موقع د قام په نامه په خپل پېغام كښې وكړې كومه چې به (نن) د نهې په ورځ په 6 ستمبر په جوش او جذبه لمانځلې شي۔ اولس مشر ووئيل دا ورځ زمونږ په قامي تاريخ كښې د سنګ مېل حېثيت لري٬ 51 كاله وړاندې زمونږ مېړنو ځوانانو٬ افسرانو ٬ سېلرانو او هوابازانو د جرات او بهادرۍ څرګندونه كولو سره قام سره اوږه په اوږه د دښمن جارحيت ناكامه كولو سره د خوږ هېواد د مقدسو پولو دفاع كړې۔ اولس مشر ووئيل دا ورځ زمونږ د وسله والو ځواكونو او د قام ھغه عزم او استقلال رامخې ته كوي كوم چې زمونږ سالميت ٬ بقاء او دفاع سره سره د پاكستان خوشحالۍ او پرمختګ لپاره هم د يو لاېنفك جزو حېثيت لري۔ اولس مشر ووئيل مونږ په دې يادګاري موقع خپلو شهيدانو او غازيانو ته پېروزنې وړاندې كوٶ ٬ دا وخت زمونږ څخه د قامي يوالي وده او د ملي سوچ خپلولو تقاضا كوي كوم چې د پاكستان په ضد د سازشونو او چېلنجونو په ښه ډول مخنيوي لپاره ډېر ضروري دے۔ اولسمسر ووئيل دې كښې هېڅ شك نشته چې مونږ د قامي جذبې ٬ اتحاد او يوالي په سبب د شمېرو په توګه د زيات دښمن غرور خاورې كړې ٶ۔ اولس مشر ووئيل چې د مشر په حېث زه قام ته باور وركوم چې د پاكستان دفاع په مضبوط لاسونو كښې ده٬ زمونږ زمكي٬ سمندري او هوائي ځواكونونه ښه پېشه وارانه صلاحيتونه لري او د سباٶن تقاضو سره همغږي لري۔ ده په دې خبره د خوشحالۍ څرګندونه وكړه چې مونږ په دفاعي جدت او ټېكنالوجۍ كښې د خود انحصاري منزل ترلاسه كړے دے٬ زمونږ اتومي صلاحيت او جديد وسله د دې خبرې علامت دے چې مونږ په دفاعي مېدان كښې هېڅ سودا نه ده كړې۔ ده ووئيل مونږ د خپلو ځواكونو د پېشه وارانه صلاحيتونو ٬ جرات ٬ بهادرۍ او وطن سره په مينه وياړ لرو۔ ده ووئيل چې زمونږ ځواكونو د خپلو پولو حفاظت سره سره امن په ځائ ساتلو كښې هم د نه هېرولو كردار لوبولې٫ په ضرب عضب عملياتو كښې چې د كوم ډول عزم او جرات څرګندونه شوې او د ھغې په نتيجه كښې هېواد كښې د امن وضعه پياوړې شوې ټول قام پرې دوي ته پېروزنې وړاندې كوي۔ اولس مشر ووئيل په کشمیر مونږ واضح دريځ لرو٬ د كشمير كشاله د ملګرو ملتونو نامكمله اېجنډا ده٬ مونږ د كشميري وروڼو د خپلواكۍ د حق تائيد او د مرستې په شا ولاړ يو۔ ده ووئيل چې ملګرو ملتونه او نور هېوادونه دې د دې مسئلې زر تر زره حل راوباسي ګني نو په سوئيلي اسياء كښې د ښه امن خوب رښتيا كېدل ممكن نه دي۔اولس مشر د خوږ هېواد ساتنې له خپل ځانونه قربانوٶنكو شهيدانو ته پېرزونې وړاندې كولو سره ووئيل چې د ھغوي قربانيو زمونږ جذبه لا ژوندې كړې ٬ لوي څښتن دې مونږ هم د ھغوي په لار روان وساتي دغسې چې وخت راتلو سره مونږ هم د خپل خوږ هېواد بقاء او عزت په خاطر د هر ډول قربانۍ نه ډډه ونه كړو۔
د پاکستان دفاع په مضبوط لاسونو كښې ده ٬ پاكستان خپلو ګاونډي هېوادونو سره د ملګرتيا او سولې اړيكې غواړي خو د امن دا خواهش دې كمزوري ونه ګڼلې شي
مضمون کا ماخذ : خداؤں کی عمر
متعلقہ مضامین
