اسلام آباد۔18فروری(اے پی پی) وزیراعظم عمران خان وئيلي دي د منظور شوو هاؤسنګ سوسائټيز او مسترد كړې شوو سوسائټيز ټوله ډېټا دې د اړوندو ډوېلپمنټ اتھارټیز په وېب سائټس باوري كولو سره سره په صوبائي كچه سنټرل ډېټا بنک جوړ كړے شي دغسې چې د دې منصوبو ټول تفصيلات هر يو پاكستاني وګړي او په خاص توګه بهر هېوادونو كښې مېشته پاكستانيانو ته ترلاسه وي۔ د دې خيالاتو څرګندونه هغه د زيارت په ورځ هاؤسنګ ٬ تعميرات او ډوېلپمنټ لپاره د نېشنل كوارډينېشن كمېټۍ اوونيزې غونډې مشرې كولو په مهال وكړه۔ غونډه كښې چیف سېکرټری (پنجاب) وزیرِ اعظم ته ووئيل تر دې دمه په 87.03ملین مربع فټ د تعميرات په حقله درخواستونه ترلاسه شوي۔ په دې كښې د لاهور 38 فیصد، مېټروپولېټن کارپورېشن 22 فیصد، پنډۍ 18 فیصد ٬ فیصل آباد 11 فیصد او د ملتان 10 فیصده شامل دي۔ غونډې ته ووئيل شول د تېر كال دسمبر مياشتې تر 29 مې نېټې د 62.33 ملین مربع فټ تعميرات درخواستونه ترلاسه شوي وو اوس دا شمېره 87.03 ملین مربع فټ ته رسېدلې ۔ د پنجاب چيف سېكرټري ووئيل د تعمیراتي منصوبو په حقله تر دې دمه په پورټل ټول 17692 درخواستونه ترلاسه شوي كومو كښې چې د 11349 منظوري وركړې شوې ۔ په دې كښې د سرمايه كارۍ ټول حجم 353.43 اربه روپۍ دے۔ دې سره به د 1767.15 اربه روپو معاشي هلې ځلې رامخې ته شي او ورسره به 315678 د روزګار موقعې راپېدا شي۔ د خېبر پختونخوا چيف سېكرټري ووئيل د مېنوئل او آن لائن درخواستونو يو ځائې كولو سره تر دې دمه 3634 درخواستونه ترلاسه شوي كومو كښې چې 3158 (یعنی 87 فیصد) منظور شوي او 9 فیصده بېرته لېږلې شوي او 4 فيصده د منظورۍ د پړاؤ نه تېرېږي۔ تر دې دمه په 10.854 ملین مربع فټ زمكه د تعميرات درخواستونه منظور كړې شوي۔ د دې په نتيجه كښې به د 190 اربه روپو معاشي هلې ځلې رامخې ته شي۔ د خېبرپښتونخوا چيف سېكرټري ووئيل د 15 اكتوبر نه تر دې دمه د درخواستونو شرح 66 فيصد زياته شوې ٬د منظورۍ شرح 62 فيصد٬د تعميراتي زمكې حجم 128 فيصد او د متوقع آمدن او د روزګار موقعو راپیدا كېدو شرح 128 فيصد زياته شوې۔چيف سېكرټري د خېبرپښتونخوا بېلو ضلعو څخه د تعميرات په لړ كښې د ترلاسه شوو درخواستونو او تر دې دمه د شوو منظورو شمېرې نه كابينه خبر كړه۔د سندھ چيف سېكرټري ووئيل سندھ كښې تر دې دمه د 22 منصوبو منظوري وركړې شوې ۔وزيراعظم هغه ته هدايت وكړو چې د منظورۍ عمل تند كړئ دغسې چې سندھ كښې تعميراتي هلې ځلې زياتېدو سره معاشي هلو ځلو ته وده ترلاسه شي۔په غونډه كښې د پنجاب حكومت لخوا ووئيل شول د پنجاب د 36 ضلعو د سركاري زمكې ډېټا سروے جنرل آف پاكستان ته وركړې شوې ۔د كے پي كے چيف سېكرټري غونډې ته ووئيل د خېبرپښتونخوا د ټولو ضلعو د سركاري زمكو ډېټا سروے جنرل آف پاكستان ته وركړې شوې ۔د سروے جنرل آف پاكستان لخوا وزيراعظم ته ووئيل شول د سندھ حكومت لخوا تر دې دمه ډېټا نه ده ترلاسه شوې۔وزيراعظم د سندھ چيف سېكرټري ته ووئيل د سركاري زمكو او د لينډ رېكارډ ډيجيټل كول د وخت مهم ضرورت دے۔هغه ووئيل د ډېټا نه وړاندې كولو نه به اولس ته دا پیغام لاړ شي چې په سركاري زمكو ناجائزه قبضه كوونكي او قبضه مافيا ته د اثر لرونكو وګړو ملاتر ترلاسه وي ځكه دا تاثر به لرې كول وي۔وزيراعظم غونډې ته په خطاب كښې ووئيل د منظور شوو هاؤسنګ سوسائټو او د مسترد كړے شوو سوسائټيز ټوله ډېټا د اړوندو ډوېلپمنټ اتهارټيز په وېب پاڼه باوري كولو سره سره په صوبائي كچه سنټرل ډېټا بنك جوړ كړئ دغسې چې د دې منصوبو ټول تفصيلات هر پاكستاني وګړي او په خاص توګه بهر هېوادونو كښې مېشته پاكستانيان ته ترلاسه وي
د وزيراعظم عمران خان په مشرۍ كښې هاؤسنګ ٬ تعميرات او ډوېلپمنټ لپاره د نېشنل كوارډينېشن كمېټۍ اوونيزه غونډه
مضمون کا ماخذ : لاٹری کھیلنے کا طریقہ
متعلقہ مضامین
