اسلام آباد 07 جون (اے پي پي)خارجه سېكرټري سهيل محمود د نهې په ورځ په اسلام آباد كښې د اسلامي مرستې تنظيم(او آئي سي)سفيرانو سره ملاقات كړے او هغوي يې د هند د واكمن ګوند بي جے پي د دوه مشرانو لخوا د حضور نبي اكرم(ص)په شان كښې د انتهائي توهين آمېز ريماركس په اړه د تفصيلات نه خبر كړي۔د خارجه وزارت لخوا جاري شوي بيان له مخې خارجه سېكرټري د جون په 5مه نېټه د او آئي سي جنرل سېكرټرېټ لخوا جاري د هغه بيان ذكر وكړو په كوم كښې چې د او آئي سي د غړو هېوادونو لخوا د دې جارخانه ريماركس سخته غندنه شوې وه۔ده په ټوله نړۍ كښې د اسلامي امت حقونو او د بنيادي آزادۍ په وده كښې د او آئي سي كردار په ډاګه كړو۔خارجه سېكرټري ووئيل حضور نبي اكرم(ص)سره د مسلمانانو محبت او عقيدت تر مخه په داسې بيخې ناقابل قبول اقدامات د او آئي سي هېوادونو لخوا سخت غبرګون فطري وو۔خارجه سېكرټري د نړيوالې ټولنې څخه غوښتنه كړې چې دوي په هند كښې د اسلامو فوبيا د زياتېدونكې چپې نوټس واخلي۔ده ووئيل بايد هند د خپلو مذهبي اقليتونو او په خاص توګه د مسلمانانو حقونه سلب كولو لپاره ځواب وركونكے وګرځوي څوك چې د رياست په سرپرستۍ كښې د كركې وېنا ګانو٬ظلم او ستم او تشدد سره مخ دي۔خارجه سېكرټري په دې لړ كښې د او آئي سي په خاص كردار رڼا واچوله۔
خارجه سېكرټري سهيل محمود د او آئي سي سفيرانو سره ملاقات وكړو
مضمون کا ماخذ : جیک اور بین اسٹالک
متعلقہ مضامین
